වැල්ලවාය තිස්සමහාරාම පාරේ 48 වන සැතැපුම් කණුව අසලින් වමට හැරී අතුරු පාරක තවත් කි.මි. 4 ක් පමණ ගිය තැනදී වන ගහණයක් තුළ මෙම ගල් තලාව දැක ගැනීමට ලැබේ. මෑත කාලයක් වනතුරුම මෙම ප්රදේශයේ අලි ඇතුන්ගෙන් ගහණ හුදකලා ප්රදේශයක් වශයෙන් පැවැතුණි.
බුද්ධ ප්රතිමාවක් ප්රධාන කොට තවත් බෝසත් ප්රතිමා නිසා ප්රචලිත වූ ස්ථාන ඓතිහාසික මෙන්ම කලාත්මක අතින් ද වැදගත් විශේෂිත පුරාවිද්යා බිමකි. ගල් බිතුවක් මත දැවැන්තව නෙළා ඇති බුදුරුව නිසා මෙතන නාමය බුදුරුවගල වශයෙන් ප්රසිද්ධියට පත් වූවා විය හැක. එහෙත් පුරාණ ස්ථාන නාමය, කවුරුන් විසින් කවර දා කරන ලද්දැක්දැයි යන බවත් අද වන තුරු නිශ්චිතව තහවුරු කර ගෙන නොමැත.
කලා නිර්මාණයන්ගේ ස්වභාවය අනුව මෙය ක්රි.ව. 8 – 9 සියවස් වලට අයත් මහායානිකයන් විසින් කළ නිමැවුමක් බව පුරාවිද්යාඥයන්ගේ අදහස වෙයි.
ගල් පව්වේ බිත්තිය මධ්යයේ දැවැන්ත ප්රතිමා නෙලා ඇත්තේ අර්ධ උන්නතව ය. බුදුරුව දෙපස පරිවාර ප්රතිමා තුන බැගින් දර්ශනය වෙයි.
බුද්ධ ප්රතිමාවේ විශාලත්වය සහ දෙපස සෙසු ප්රතිමාවන්ගේ ස්වරූපය නිසා මෙය දීපංකර බුදුරදුන්ගේ පිළිබිඹුවක් බව අනුමාන කෙරේ. පිළිමයේ විශාලත්වය අනුව බුදුන් වහන්සේගේ ලෝකෝත්තර ස්වරූපය ඉස්මතු වන බව මහායානිකයන් කල්පනා කළ බව පෙනෙයි.
මේ පිළිබඳව ‘ඓතිහාසික බුදුරුවගල’ නම් ග්රන්ථයේ ආචාර්ය මාලිංග අමරසිංහ මෙසේ සඳහන් කර තිබෙයි. ‘ක්රි.ව. 6 වන සියවසට අයත් මහායාන වාස්තු විද්යා ශාස්ත්ර ග්රන්ථයක් වන ‘මංජු ශශ්රී භාෂිත චිත්ර කර්ම ශාස්ත්ර’ නම් කෘතියේ මහායාන බෝධිසත්වවරු අට දෙනෙක් පිළිබඳව සඳහන් වෙති. මේ නිසා එකල සමාජයේ මේ බෝධිසත්වවරුන් පිළිබඳ දැන සිටින්නට ඇති අතර ඇතැම්විට ඔවුන්ගේ ප්රතිමා ද නෙළන්නට ඇතැයි සිතිය හැක. විශේෂයෙන් රුහුණේ මෙවැනි විශාල බෝධිසත්ව ප්රතිමා නිර්මාණය කර තිබීම තුළින් පැහැදිලි වන්නේ මේ කාලයේ මහායාන බුදු දහම රෝහණ දේශයේ වඩාත් ප්රචලිතව පැවැතුණු බව ය.’
ප්රධාන බුද්ධ ප්රතිමාවේ දකුණු පස ඇති ප්රතිමා ත්රිත්වයේ මැද නෙළා ඇත්තේ අවලෝකීතේශ්වර බෝධි සත්ව ප්රතිමාවකි. එහි උස මීටර් 7.16 කි. (අඩි 25 කට ආසන්නය) එම ප්රතිමාවේ වම් පසින් නෙළා ඇති ත්රිභංග ඉරියව්ව පිළිබිඹු කරන තාරා දේවී ප්රතිමාවේ උස මීටර් 5.98 ක් පමණ වෙයි. (අඩි 21 ක් පමණ) මහායානිකයන්ට අනුව තාරාදේවිය අවලෝකීතේශ්වර බෝධිසත්වයන්ගේ භාර්යාවය.
මෙම ප්රතිමාව හැර අනෙකුත් සෑම ප්රතිමාවක්ම සමභංග ඉරියව්වෙන් නෙළා ඇතත් මෙහි ඇති ස්ත්රී රූපය ත්රිභංග ස්වරූපයෙන් නෙළා ඇත්තේ ස්ත්රී ලාලිත්ය වඩා හොඳින් නිරූපණය කිරීමට අවශ්ය වූ නිසා යැයි සිතිය හැකි ය. අවලෝකිතේශ්වර බෝධි සත්ව රූපයයේ දකුණු අත පැත්තේ දකින්නට ලැබෙන ප්රතිමාව සුධන කුමාර ප්රතිමාවයි. මහායාන සම්ප්රදායට අනුව සුධන කුමාරා ද බෝධිසත්වවරයෙකි. එහි උස මීටර් 6.53 ක් පමණ වෙයි. (අඩි 23 ක් පමණ)
ප්රධාන බුද්ධ ප්රතිමාවේ වම් පසින් දිස්වෙන රූප ත්රිත්වයේ මැද නෙලා ඇති ප්රතිමාව මතු බුදු බව ලබන මෛත්රී බෝධිසත්ව ප්රතිමාවය. මෙහි උස මීටර් 7.3 කි. (අඩි 25 1/2 ක් පමණ) එම බෝධිසත්ව රූපයේ වම් අත පැත්තේ නෙලා ඇති ප්රතිමාව වජ්රපානී බෝසත් ප්රතිමාවය. මෙහි උස මීටර් 6.4 කි. (අඩි 22.4 ක් පමණ) වජ්රපානී බෝසතුන්ගෙන් ධර්මයේ හඬ සහ එහි ආරක්ෂාව සංකේතවත් කරනු ලබන බව කියැවෙයි.
මෛත්රී බෝසත් රුවෙහි දකුණු අත පැත්තේ නෙලා ඇති රුව මංජු ශ්රී බෝධිසත්ව ප්රතිමාවයි. මෙමඟින් මහායාන සම්ප්රදායට අනුව මහා ප්රඥාව සංකේතවත් කරවනු ලබයි. ඔහු මෛත්රී බෝධිසත්වයන්ගේ ධර්මාචාර්යවරයා මෙන්ම උපදේශකවරයා ද වන බව මහායානිකයන්ගේ මතය වේ.
මේ අනුව බුදුරුවගල ඇති ප්රතිමා හත වම් අත සිට දකුණට පිළිවෙලින් නම් කළහොත් මෙසේ හඳුනාගත හැකිය. සුධනකුමාර, යෝගී අවලෝකීතේශ්වර, තාරා, දීපංකර බුද්ධ, මංජු ශශ්රී, මෛත්රී හා වජ්රපානී වශයෙනි.
මෙම පිළිම නෙළු මහා ශෛලමය බිත්තිය ඉතා දැඩි බවක් ඇති නිසා සෑම පිළිමයක්ම නෙලීමට ශිල්පීන්ට දැඩි වෙහෙසක් ගැනීමට සිදු වී ඇති බවක් පෙනෙයි. ඒ නිසා එම පිළිම සියල්ල නෙලා ඇත්තේ අර්ධ උන්නත ආකාරයට ගලේ ස්වාභාවික හැරීම් ආදිය ප්රයෝජනයට ගනිමින් ය.
මෙහි දිස්වන ස්වරූපය අනුව ප්රධාන බුද්ධ ප්රතිමාව නෙලීමේ දී ද මෙම අපහසුතාවයට ශිල්පියා මුහුණ දී තිබෙන බව එහි ස්වරූපය අනුව සිතා ගත හැක. පිළිමයේ මුව හතරැස් ය. සිවුරේ සියුම් රැළි ආදිය ගලේ ස්වරූපය නිසා නිසි පරිදි මතු කර පෙන්වීමට නොහැකි වී තිබේ. එම අඩුපාඩුව මැකීමට පිළිම මතුපිටින් හුණු ආලේප කර පිළිමය නිසි ආකාරයට සකස් කර ඇති බවක් පෙනේ. අද එම බදාම ස්ථරයන් දකින්නට නැතත් එහි ශේෂ කොටස් තැන තැන දිස් වෙයි.
සුධන කුමාර සහ මෛත්රී බෝසත්වරුන්ගේ පිළිමයන්හි විස්තර තරමක් දුරට ඉතිරිව තිබේ. මෙහි වටකුරු මුහුණු ආදියේ විචිත්ර බවක් පෙන්නුම් කරයි.
ඒ අපහසුතා කෙසේ වුවද මහා රළු ගල් තලාවක මුහුණත එක දිගට මෙම ප්රතිමා පෙළ නෙලා ගලෙන් සියුම්ව මතු කර ගැනීමට නොහැකි අඩුපාඩු මකාගැනීමට හුණු බදාම ස්ථරයන්ගෙන් පුරවා ඒ ඒ පිළිම වලට අදාළ සුදු, රන්වන්, රතු ආදී පැහැයන්ගෙන් අලංකාර කරමින් එදා නිර්මාණ ශිල්පියා දැවැන්ත අභියෝගයක් ජයගෙන තිබේ. ඒ අනුව පිළිම නෙළු කාලයේ දී මෙම ගල් බිත්තිය ඉතා අලංකාරව විචිත්ර පැහැයන්ගෙන් දර්ශනය වී තිබෙන්නට ඇත.
ඇත්තෙන්ම ස්වභාව ධර්මයා විසින් අභියෝගාත්මකව සාදා දුන් ශෛලමය බිත්තිය, අපේ පැරැණි කලාකරු විසින් බිත්ති සැරසිල්ලක් බවට පත් කර තිබේ. එය ස්වභාව ධර්මය තව තවත් විචිත්රවත් කරයි. ඒ ධෛර්යවන්ත නිර්මාණකරුවන් ඉතිහාස ගමන් මඟ වර්ණවත් කළ තවත් අපූරු කලා කෘතියක් අපටත් මතු පරපුරටත් ඉතිරිකර තිබේ.
ඇත්තෙන්ම මහායාන සංකල්පය මත ප්රතිබිම්භනය කළ මෙම ප්රතිමා පෙළෙහි ඇත්තේ අප වඩාත් අත්විඳ නැති නුහුරු ස්වරූපයකි. රූස්ස ගහකොළ අතර මැද නිදහස් පරිසරයක මහා ගල් බිතක මතු පිට මෙම නිර්මාණ පෙරහර හා එකතුවී ඇති මේ නුහුරු බව සිතට එකතු කරන්නේ අපූර්වත්වයකි. පරිසරයේ ඇති දැවැන්ත වෘක්ෂයන්ගේ පත් සුළඟට නැලැවෙන සියුම් රිද්මය හා මුසුව අතු ඉති ගැටෙන මන්දස්වරය එකතු කරන්නේ තවත් අපූරු සංගීත රාවයකි. පසු බිමෙන් ඇසෙන ඒ සංගීත ස්වර රටා අතර හිදිමින් මහා කලාගාරයක සම්භාව්ය සිතුවත් රස විඳින ආශ්වාදනීය හැඟීමක් මෙතන හුදකලා ස්වභාවික පරිසරය තුළ අත් විඳීමට හැකිවීම අපූරු අද්දැකීමක් වනු ඇත.
ඉතිහාසගත, පුරාවිද්යාත්මක විවරණයන් මතවාදයන් පසක තැබූවද, අවසානයේ හිත වෙලන සද්ධාසම්ප්රයුක්ත හැඟීම හදවතට ගෙන දෙන්නේ අධ්යාත්මික සුවයකි.
‘මමී’ බවට පත් කරවන අයුරු ඔහු සියැසින්ම දැක ඇති අතර එය විශ්මය ජනක ලෙස මතු පරපුර වෙනුවෙන් ලියා තිබේ.
මළ සිරුරේ තෙතමනය ඉවත් කිරීමෙන් අනතුරුව සිරුරේ ඇතුළත හිස් වූ කුහරය විශේෂ වූ ලී කුඩු හෝ රසායනික ඔසුවක් යෙදු රෙදි වලින් පුරවයි. ඉන් පසු උදරය පැළු සිදුර රන් පතුරකින් අවහිර කොට මසා දමයි. මළ සිරුරේ නියපොතු ආදිය සායම් ආලේප කිරීමෙන් පසු හිසකෙස් සැකසීම මියගිය අය පුරුෂයකු නම් ඔහු ජීවත්ව සිටිය දී හිස පීරන අයුරින්ද කාන්තාවක නම් සුදුසු පරිදි ගෙතීමකින් ද කොණ්ඩය සකස් කරයි. මිය ගිය පුද්ගලයා ජීවත්ව සිටියදී පැවැති අයුරින්ම ඔහුගේ හෝ ඇයගේ මුහුණ පිළිබිඹු කිරීම සඳහා දෙනෙත් වලට මැණික් ගල් විශේෂයක් උපයෝගී කරගන්නා අතර මුළු සිරුරම මිසරයටම ආවේණික වූ සුවඳ විලවුන් බඳුනක බහාලයි. අවශ්ය පරිදි මී පැණි ගල්වා දමන සිරුර රෙදි යාර 150ක ප්රමාණ ගෙන තදින් ඔතා දමමින් සියලූ කාර්යයන්ම නිමා කෙරෙයි.
දමා සදාකාලයටම වසා දැමීමෙනි.
නව වසරේ ග්රහ ගමන ඔබේ අධ්යාපන ආර්ථික රැකියා මෙන්ම විවාහ ආදී කාර්යයන්ට බලපාන අයුරු මෙසේය.
වෘෂභ ලග්නයට අනුව නව වසරේ ග්රහ ගමන සුබ අසුබ මිශ්ර අයුරින් පවතින නිසා ඉදිරි වසර ඔබේ වැඩ කටයුතු ක්රියාකාරකම් කෙරෙන්ද සුභ අසුභ මිශ්ර බවක් පෙන්නුම් කරයි. පොදුවේ ඔබට නව වසරේ මුල් මාස 06 යම් යම් අවහිර බාධා ප්රමාද මධ්යයේ තම දෛනික කාර්ය කටයුතු කර ගැනීමට සිදු වුවත් මෙම වසරේ අවසන් මාස 06 අභියෝග මැඩගෙන ඉදිරිය කරා ගමන් කිරීමට හැකියාව ලැබේ. රැකීරක්ෂා කටයුතුවලත් තම වෙළෙද ව්යාපාර ආදී කටයුතුවලට බලපෑ අවහිර බාධා ප්රශ්නකාරී ගතිද පහව යනු ඇත.
මිථුන ලග්නයට අනුව උදාවන වසරේ ග්රහ ගමන සුභදායී අයුරින් සැකසෙන්නේ 2013 අපේ්රල්වලින් පසුවයි. එතෙක් කාලය ඔබට විවිධ අවහිර බාධා කලකිරීම් සහගත ගති මධ්යයේ සිය කාර්යය කටයුතු කරගෙන යාමටත් අරමුණු සැලසුම් ඉටුකර ගැනීමටත් සිදුවේ.
කටක ලග්නය අනුව උදාවන වසරේ ග්රහ ගමන මුල් මාස 06 තුළ සුබදායී බැවින් එම කාලය තුළ සැලසුම් කරන බොහෝ වැඩ කටයුතු රැසක් සාර්ථක වනු ඇත. අධ්යාපන රැකියා විවාහ වැනි අංශවල ප්රගතියක් සිදුවේ. ඔබට මෙම වසරේ ආර්ථික ලාබ ගෙනදුන්නත් මිල මුදල් අරපිරිමැස්මෙන් පරිහරණය කිරීමට අපහසු තත්වයක් ගෘහ ජීවිතයේදී ඇතිවේ. ගමන් බිමන්වලට මෙන්ම අනුන්ගේ වැඩවලටත් ඔබගේ ධනය, ශ්රමය වැයවන අවස්ථා යෙදේ. දැඩි ලෙස බලාපොරොත්තුව සිටි වැදගත් කාරණයක් ඉටුවීම තුළින් සිතට සතුට සැනසීම ඇතිවේ. තරග විභාග සම්මුඛ පරීක්ෂණවලට පෙනී සිටීමටත් ඉන් සාර්ථක ප්රතිපල අත්කර ගැනීමටත් මෙම වසරේදී අවස්ථාව සැලසේ.
සිංහ ලග්න හිමියන්ට උදාවන නව වසර පැහැදිලි සුබපල රැසක් ගොඩනැගෙනු ඇත. ග්රහ ගමන සුබව යෙදෙන බැවින් ගත වු වසරට වඩා උදාවන වසර යහපත්වෙයි. අධ්යාපන, රැකියා, ව්යාපාර ෙක්ෂත්රයේ කටයුතුවල උනන්දුව වැඩිවෙයි. ඒ ඒ කාර්යයන්හිදී වගකිව යුත්තන්ගේ ප්රසාදයටද ලක්වන කරුණු ඇතිවෙයි. මැයි මාසයේ සිට ආදායම් තත්වයේ වර්ධනයක් ඇති කරයි.
කන්යා ලග්නයෙන් උපන් ඔබට නව වසරේ ග්රහ ගමන ශුභාශුභ මිශ්ර බැවින් දිවියේ තම සියලූ වැඩ කටයුතු කෙරෙන්ද ශුභාශුභ මිශ්ර බවක් ඇති කරයි.
තුලා ලග්න හිමියන්ට නව වසරේ ග්රහ ගමන ශුභාශුභ මිශ්ර අයුරින් ගතවන නිසා ඔබ සැලසුම් සහගතව සැලකිල්ලෙන් විමසිල්ලෙන් යුතුව තම අත්යාවශ්ය කාර්යය කටයුතුවල නියුතු වන්න. වරින් වර තමා බලාපොරොත්තු නොවූ සැලසුම් නොකළ මාර්ගවලින් විවිධ ලාභ ප්රයෝජන සැලසෙයි. ආර්ථික හා රැකියා යන කාර්යන්හිද ශුභදායි වෙනස්කම් ඇති කරයි.
වෘශ්චික ලග්නයෙන් උපන් ඔබට උදාවන නව වසර ඔබගේ අධ්යාපන, රැකියා විවාහ ආදී කාර්යයන්හි ප්රගතියට වැඩි දියුණුවට ශුභදායී වෙනසක් ඇති කරයි. 2013 මැයි තෙක් කාලය යම් යම් අවහිර බාධා ප්රමාද මධ්යයේ නමුදු ශුභදායී වෙනස්කමකට භාජනය වේ. ගෙදර දොර වාසනාවන්ත බවක් ඇති කරයි. අවිවාහකයන්ට මංගල යෝග උදාකරන අතර ආදර දිවියේ කටයුතුවල වැඩි දියුණුවක් ඇති කරයි.
ධනු ලග්න හිමියන්ට උදාවන වසරේ ග්රහ ගමන ශුභදායක අයුරින් බලපාන බැවින් දිවියේ නව දියුණුවක් අභිවෘද්ධියක් 2013 වසරේ ඇති කරයි.
මකර ලග්නයෙන් උපන් ඔබට ලබන්නාවු නව වසර ශුභපල මෙන්ම අශුභපල මිශ්රව ගෙනදෙන මධ්යස්ථ වසරකි. වසර පුරාවටම ඔබ ඉපැයීම් මාර්ග සම්බන්ධයෙන් සැලසුම් සහගතව ඇප කැපවී කටයුතු කරන නිසා ආදායම්, වියදම් සමසේ පවත්වාගෙන යාමට හැකිවේ. මිල මුදල් හා වෙනත් භෞතික සම්පත් ලාභද ලැබේ.
කුම්භ ලග්නය හිමි ඔබට උදාවන නව වසර ගත වු වසර තුළ තරම් ගැටලූ බාධා මතු නොවන ප්රශ්න අඩු වසරකි. මෙය වැඩි වශයෙන් සුබදායී වෙනස්කම් රැසක් සිදුවන වසරකි.
මීන ලග්නයට අනුව ග්රහ ගමන එතරම් ශූභදායි නොවෙන බැවින් දිවියේ අත්යාවශ්ය කාර්යය කටයුතු විශේෂයෙන් මැයි පසුවන තෙක් කාලය තුළ ඔබට ඉටුකර ගැනීමට සිදු වන්නේ නොයෙකුත් අවහිර මෙන්ම බාධා මධ්යයේය.
