සයිබර් අවකාශයේ සිහලුන්ගේ චින්තනයන්

මට ඔයා මගේ පණ වගේ



""ඔයා මගේ පණ වාගෙලු
මට දරා ගන්න බැරි ඒකලු""

තමන්ගේ පණට ආදරය නොකරන කෙනෙක්‌ මේ මිහිපිට ඇත්ද නැහැ. ඕනෑම කෙනෙක්‌ට තම ප්‍රාණය වටිනවා සිය දිවි නසාගන්නා කෙනෙක්‌ වුණත් අන්තිම තත්ත්පරයේදී උත්සාහ කරන්නේ ජීවත්වෙන්න කෙනෙක්‌ වෙනුවෙන් අපි පණ වුණත් දෙන්නම් කියන්නේ. ඒ පුද්ගලයා වටිනා කෙනෙක්‌ නිසයි.

පෙම්වතුන් අතර මේ වාක්‍යය හරිම ජනප්‍රියයි. "ඔයා මගේ පණ වාගේ" පෙම්වතා පෙම්වතියටත්, පෙම්වතිය පෙම්වතාටත් කියන්නේ දෙදෙනාට දෙදෙනා ඒ තරමටම වටිනා නිසයි. "ඔයාට මං පණ වගේ ආදරෙයි...." කියලත් කියනවා.

මට ඔයා මගේ පණ වගේ
ළඟ නැතත් මගේ ළඟ වගේ
හිත පුරා රැඳි සෙනෙහසින්
ඔබ මවෙත පිදූ දේ... ආදරේ....

ළං වෙලා නොහිටියත්.... මට දැනෙන්නේ ඔයා මගේ ළඟ ඉන්නවා වගේ... හරියට ඔයා මගේ පණ වගේ.... මං දන්නවා... ඔයා ඔයාගේ මුළු හදවතින්ම ඉපදුන ආදරේ.. මට පුදකළා... සමහර විට මම ඔයාට ඒ වගේ ආදරයක්‌ පෙන්නුවද.... දන්නේ නැහැ.... ඒත්... සැබෑ ආදරය ඔයා මට පුද කළා...

මේ ගීය ගයන්නේ දිලුම් පීරිස්‌ සහ සමීර වීරවර්ණ සංගීතයත් ඒ දෙන්නගෙමයි. පද රචනා කළේ සමීර වීරවර්ණ. ශබ්ද සංයෝජනයෙන් රංග දසනායක දායක වී සිsටිනවා.

මේ ගීය මතුපිටින් බොළඳ වචන පෙළක්‌ ලෙස පෙනුනත් එහි සැඟවුණු ගැඹුරු අරුතක්‌ තිබෙන බව හැඟෙනවා. ඒ ගැන පදරචකයා දක්‌වන්නේ මෙවන් අදහසක්‌...

පද මාලාව සරල විය යුතුයි යන්න මම හුඟාක්‌ විශ්වාස කළා. ඒ වගේම නිවැරැදි තේරුමක්‌ තිබිය යුතුයි. "ගීයෙන් කළ යුතු දේ පදමාලාවෙන් සිදු වූ බව මට විශ්වාසයි..." "මට ඔයා මගේ පණ වගේ...." කියන වචන ටික නිසාම මේ ගීය හුඟක්‌ ජනප්‍රිය වෙන්න පටන් ගත්තා. මේක ආදරවන්තයින් බොහෝ දෙනෙක්‌ ආදරය

කරන වචන පෙළක්‌...

ඔයා මගේ පණ වාගෙලු
මට දරා ගන්න බැරි ඒකලු
හිනාවෙන්නෙ සඳ වාගෙලු
මට බලා ඉන්න බැරි ඒකලු
සඳ හොරා ගත්තෙ එක රෑකලු
මට හිතාගන්න බැරි වෙන්නලු
මට නිදාගන්න බැරි ඒකලු...

ඔයා මගේ පණ වගේ ඇය නිතරම ඔහුට කියනවා... ඔහුට දරාගන්න බෑ... ඇගේ ඒ වදන් මතක්‌වෙද්දී ඇගේ සිනහව... ඔහු උපමා කරන්නේ සඳට. සඳ දකිද්දී ඔහුට ඇය මතක්‌ වෙනවා.... ඒත් දැන් එය වෙනස්‌ වෙලා. වෙනදා දකින ආදරවන්තිය නොවේ. ඔහුට විතරක්‌ ආලෝකය දුන් සඳ... දැන් තවත් කෙනෙකුගේ ජීවිතය එළිය කරන්න පටන් අරන්.. එක්‌තරා රෑක ඒ සඳවතිය. තවකෙකු හොරාගෙන..... ඔහුට හිතාගන්නත් බෑ.... වෙන සම්බන්ධයක්‌ ඇයට තිබුණද දැන් මේ පෙම්වතාට හරිහැටි නින්දක්‌ නෑ. ඇගේ ආදරය ගැන හිතනවා.

දිලුම් සහ සමීර දෙදෙනා එකම පාසලේ එකම පංතියේ මිතුරන්..... බම්බලපිටිය ශාන්ත පීතර විද්‍යාලයයේ. ඒ කාලේ පටන් දෙදෙනා සංගීතයට ඇති ලැදියාව නිසාම

නිර්මාණය කළ ගීයක්‌...
ඔයාවමයි මට ඕනෙලු
මට කියාගන්න බැරි ඒකලු
ඔයාටමයි මං ආසලු
මට ඔයා නැතුව බැරි ඒකලු
අපි හිනාවුණේ එක පාරලු
රෑ හීනෙන් පේන්නෙ මාවලු
මං ඒ හීනේ හරි ලස්‌සනලු

මේ තරුණයාගේ හිත තියෙන්නේ ඇය ළඟමයි... ඈ ඔහු දමා ගියත්.... ඔහුට ඇයගෙන් තොර ලෝකයක්‌ නැහැ. ඒත් ඒ බව කියාගන්න ඔහුට විදිහක්‌ නැහැ.. දෙදෙනා එකම එක හිනාවකින් තමයි පෙම් කරන්න පටන් ගත්තේ.... ඈ ඒ දවස්‌වල නිතරම ඔහුව හීනෙන් දකිනවා. ඒ ආදරේ වැඩිකම නිසා ඒ බව අද ඔහු නිතරම කියනවා. ඒ හීනෙදි ඇයට ඔහුව හරි ලස්‌සනට පෙනෙනවලු... ඒ බව හිතමින් ඔහු ළතැවෙනවා...

මේ ගීය හුඟ දෙනෙක්‌ හිතන්නේ ප්‍රේම ගීයක්‌ විදිහට.... බොහෝ පෙම්වතුන් එකිනෙකා අතර මේ ගීය හුවමාරු කරගන්නෙත් ඒ නිසායි. ඒත් රචකයා ලෙස මම මේ ගීය දකින්නේ විරහ ගීයක්‌ විදිහටයි. බොළඳ වචන වගේ පෙනුනාට මං හිතනවා ගීයේ අර්ථය ගැඹුරුයි කියලා.... සමීර වීරවර්ණ ගීය ගැන එසේ පැවසුවා.

මට ඔයා මගේ පණ වගේ
ළඟ නැතත් මගේ ළඟ වගේ
හිත පුරා රැඳි සෙනෙහසින්
ඔබ මවෙත පිදූ දේ... ආදරේ

ඔයා මගේ පණ වාගෙලු
මට දරා ගන්න බැරි ඒකලු
හිනාවෙන්නෙ සඳ වාගෙලු
මට බලා ඉන්න බැරි ඒකලු
සඳ හොරා ගත්තෙ එක රෑකලු
මට හිතාගන්න බැරි වෙන්නලු
මට නිදාගන්න බැරි ඒකලු

ඔයාවමයි මට ඕනෙලු
මට කියාගන්න බැරි ඒකලු
ඔයාටමයි මං ආසලු
මට ඔයා නැතුව බැරි ඒකලු
අපි හිනාවුණේ එක පාරලු
රෑ හීනෙන් පේන්නෙ මාවලු
මට ඒ හීනේ හරි ලස්‌සනයි

ගායනය/සංගීතය - දිලුම් සහ සමීර
පද - සමීර වීරවර්ණ

අජිත් අලහකෝන්
(උපුටා ගැනීම දිවයින)
Share this article :

ඔබේ අදහස්