බුදු සමිඳුගේ නෙතින්.. ගලා කරුණා දහර..

බුදු සමිඳුගේ නෙතින්.. ගලා කරුණා දහර..

ඇවිල ගිය සිත් සතන්.. නිවී සැනසී ගියා..

එකම බන පදයෙනුත්.. ගලා නැණ රැස් දහර..

අඳුරු ජීවිත පුරා.. එළිය විහිදී ගියා..

දුගී පැල්පතේ හෝ.. බමුණු සිටු කුලේ හෝ..

දුකින් මුදවාගන්ට.. බොහෝ දුර වඩිනවා..

මහ වැස්සේ තෙමෙනවා.. හිරු රැසින් දැවෙනවා..

කුසගිනිද දැනෙනවා.. බුදු සමිඳු වඩිනවා..

මිහිරි බන දෙසනවිට.. අමා ගඟ ගලනවා..

කන් යොමා අසනවිට.. සිත සෝක නිවෙනවා..

ගුණ නුවණ වැඩෙනවිට.. සසර දුක ගෙවෙනවා..

බුදු ගුණය සිතනවිට.. නිවන් සුව දැනෙනවා..

වඩිනවිට පිඩු සිඟා.. නෙත් කැළුම් බිම යොමා..

බෙදන්නට දන් පිඩක්.. අනේ මට බැරි වුණා..

සිරිපතුල් වෙහෙසුණා.. අප ගැනම සොය සොයා..

පිරිනිවී වැඩි සේක.. මගේ සම්බුදු පියා..

බුදු නෙතින් බලා ලොව.. සිතේ දුක නිවා දුන්..

බුදු මුවින් ගලා ආ.. මිහිරි දම් අමා දුන්..

බුදු ගුණෙන් සදා සිත්.. සැනසීම ලබා දුන්..

බුදු සරණ යමු අපිත්.. පිළිසරණ සදා දුන්..

හිරු උදාවනු මිසක.. අඳුර එන්නට එපා..

දෙපා පැටළුන විටක.. බිම වැටෙන්නට එපා..

ජීවිතය කිසි දිනක.. නොමඟ යන්නට එපා..

බුදු සමිඳු නැති ලොවක.. කිසි දෙයක් මට එපා..

සිත මගේ සැනසිලා.. නරක දේ දුරු වෙලා ..

පිපුණ කුසුමක් ලෙසේ.. ලොව සුවඳ කෙරේවා..

නිහඬ වන ගුහාවක.. සොඳුරු හුදෙකලාවක..

බුදු සිතක ඇති සුවය.. මහදටත් දැනේවා..

තණ්හාව දුරු වෙලා.. දුක මගේ නැති වෙලා..

සදාකාලික අමා.. නිවන් සුව ලැබේවා..

සදාකාලික අමා.. නිවන් සුව ලැබේවා..

සදාකාලික අමා.. නිවන් සුව ලැබේවා..

සාධු..! සාධු..! සාධු..!

සම්බුදු ගුණ කවි පද:- පින්වත් කිරිබත්ගොඩ ඤාණානන්ද ස්වාමින් වහන්සේ. 

කියවන්න»

“සුප්රීම් සැට් වන්” ශ්‍රී ලංකාවේ සන්නිවේදන චන්ද්‍රිකාව

“සුප්රීම් සැට් වන්” සන්නිවේදන චන්ද්‍රිකාව ශ්‍රී ලංකා වේලාවෙන් අද පස්වරු 3.43ට අභ්යවකාශ ගත කළ බව සුප්රිම් සැට් සමාගමේ මෙරට ප්රධාන විධායක නිලධාරී විජිත් පීරිස් මහතා පවසයි. ශ්රී ලංකාවාසීන් වශයෙන් මේ පිළිබඳව ඉතා අඩම්බර විය හැකි බවද ඔහු පැවසුවේය. චීනයේ ෂි චෑන්ග් චන්ද්රිකා විහිදුම් මධ්යස්ථානයේ සිට මෙම නව සන්නිවේදන චන්ද්රිකාව අභ්යවකාශ ගත කර ඇත. මෙම චන්ද්රිකාවේ ජීව කාලය අවමය වසර 15ක් වන අතර චන්ද්රිකාවක් හිමි ලොව 45 වැනි රට බවට ද ඒ අනුව ශ්රී ලංකාව පත්විය. ශ්රී ලංකා – චීන ඒකාබද්ධ ව්යාපෘතියක් ලෙස එය මෙම වැඩසටහන ක්රියාවට නංවා තිබේ. පසුගිය 22 වැනිදා එය අභ්යවකාශ ගත කිරීමට නියමිතව තිබුණද අයහපත් කාලගුණික හේතූන් මත එය දින 5කින් ප්රමාද කරන ලදී. මෙම ව්යාපෘතිය සඳහා අමෙරිකානු ඩොලර් මිලියන 320ක මුදලක් වැය කර ඇති අතර මේ මගින් දකුණු හා මධ්යම ආසියානු රටවල් මෙන්ම, නැගෙනහිර අප්රිකාව හා පෙරදිග රටවලට ද සේවා සැපයෙනු ඇත.

කියවන්න»

ධනය

බුදු දහම මගින් පුද්ගල ජීවිතය දැහැමි මගකට යොමුකරලීම පිණිස ලබා දී ඇති උපදේශ රාශියකි. විශේෂයෙන් ම පුද්ගල ජීවිතයට අවශ්‍ය ධන සම්පත් උපයා ගැනීමේ දී අනුගමනය කළයුතු පිළිවෙත් කෙරෙහි බුදු දහම මගින් අවධානය යොමුකර තිබේ. පුද්ගලයෙකුගේ ලෞකික ජීවිතය සාර්ථකකර ගැනීම පිණිස ධනය අතිශයින් ම වැදගත් වේ. මෙම ධනය උපයා ගැනීමේ දී, දැහැමි ධනෝපාය ක්‍රම අනුගමනය කිරීමට සෑම පුද්ගලයෙකු ම යොමුවිය යුතු බව බුදුරජාණන් වහන්සේගේ දේශනාව තුළ සඳහන් වේ. දැහැමිව හෙවත් තමාටත්, සමාජයටත් කරදරයක් නොවන ලෙසින්, උත්සහයෙන්, දෑතේ දෙපයේ වීර්යයෙන්, දහඩිය මහන්සියෙන් යුතු ව ධනය උපයා ගත යුතු බව බුදු දහමේ උපදෙස් ලබා දී ඇත.

• කෘෂිකර්මාන්තය 
• ගව පාලනය
• දැහැමි වෙළඳාම 
• රාජ්‍ය සේවය 
• මුදල් පොළියට දීම.

ආදී ක්‍රම ඔස්සේ ධන සම්පත් උපයාගත යුතු බව බුදුරදුන් විසින් දේශනා කරනු ලැබීය. කෘෂිකර්මාන්තය දැහැමි ලෙස ක්‍රියායත්මක කොට, වී ගොවිතැන හා හේන ගොවිතැන ඔස්සේ ධනය ඉපයීමට බුද්ධකාලීන සමාජය ද හුරු පුරුදු වී සිටි බව දැක්වේ. මෙම ක්‍රම හරහා ඉතා සාධාරණව, සාහසික නොවී, ධන සම්පත් උපයා ගත යුතු බව බුදු දහම උපදෙස් සමයයි.

මෙහි  දක්වා ඇති වෙළදාම දැහැමි ධන්නෝපායන ක්‍රමයක් වන අතර, නොකටයුතු වෙළදාම් ඕහක් ද වෙන්වා දී ඇත්තේ දැහැමි ලෙස වෙළඳාමේ නිරත වෙමින් ධනය උපයා ගත යුතු නිසාම ය.

• ආයුධ වෙළඳාම 
• වසවිෂ වෙළඳාම 
• මත්ද්‍රව්‍ය වෙළඳාම 
• මස් මාංශ වෙළඳාම 
• සත්ව වෙළඳාම 

යනු එම නොකටයුතු වෙළඳාම් පහයි. තවද වෙළඳාමේ දී තලාකූට. මානකූට, කංසකූට ආදී වංචනික කිරුම්, මිනුම් වලින් ද ඉවත් ව ක්‍රියා කළ යුතු යැයි බුදු දහම විස්තර කර ඇත.

මෙලෙස දැහැමි ලෙස ධනය උපයා ගත් අයෙකුට එම ධනය ගැන සිතා සතු‍ටු විය හැකිය. ඒ අත්ථි සූඛය ලෙස බුදු දහමේ හැඳින්වේ. පුද්ගලයා උපයාගත් දැහැමි ධනය පරිභෝජනය කිරීමේ පිළිවෙතක් ද පත්තකම්ම නම් සූත්‍රයෙහි සඳහන් වේ.

• තමාගේ සුඛ විහරණය සඳහා 
• තම මවුපිය සුඛ විහරණය සඳහා 
• තම දූ දරු සුඛ විහරණය සඳහා 
• තම මිතුරන්ගේ සුඛ විහරණය සඳහා 
• දැසි දස් කම්කරු සුඛ විහරණය සඳහා 
• ග්‍රමන බ්‍රාහ්මණ සුඛ විහරණය සඳහා 

යනාදී වශයෙන් උපයා ගත් ධන සම්පත් පරිභෝජනය කළයුතු බව පෙන්වා දී තිබේ.

එමෙන් ම උපයාගත් ධනය කොටස් හතරකට බෙදා ගත යුතු බව ද ව්‍යග්ගපජ්ජ සූත්‍රය තුළ අවධාරණය කර ඇත. ඒ අනුව උපයන ධනයෙන් එක් කොටසක් පරිභෝජනයට ද, කොටස් දෙකක් ඉදිරි කර්මාන්ත සඳහා ද තවත් එක් කොටසක් හදිසි ආපදාවක දී ගැනීමට තැන්පත් කර තැබීම ද කළ යුතු බව පෙන්වා දී තිබේ. මෙලෙස ධනය කළමනාකරණය කරගෙන ජීවත් වීම තුළින් ඉතා ප්‍රීතිමත් ජීවිතයක් ගොඩනගා ගත හැකි බව බුද්ධ දේශනාව තුළින් අවධාරණය කර ඇත.

කියවන්න»

රුපියලකින් අද කාලේ මොනවාද කරන්න පුලුවන්

1. කාසියේ වාසිය උරගා බැලීම. 

2. පඬුරු ලෙස පාවිච්චි කිරීම. 

3. රීලෝඩ් කාඩ් සීරීම. 

4. දුම්රියක් එන විට රේල්පීලි වලට තබා තැලෙන අයුරු බැලීම. 

5. පොල්තෙල් පහන්වල තිරය ඉක්මනින් දැවීම වැළැක්වීම. 

6. පාවෙනසුළු නිසා යම් යම් සැහැල්ලු දේ නිපදවීම. 

7. කෞතුක භාණ්ඩයක් ලෙස විකිණීම හා කෞතුකාගාරවල තැන්පත් කිරීම. (ළඟදීම!) 

8. මුදල් අගයන් රවුම් කිරීම. (999+1=1000) 

9. ක්ෂණික ලොතරැයි සීරීම. 

10. හිලක් විද කී ටැග් එකක් ලෙස හෝ ඇණ මුරිච්චි සඳහා පාවිච්චි කිරීම. 

11. දාම් වැනි ක්‍රීඩා වලදී ඉත්තන් ලෙස භාවිතය. 

12. බස් වල කොන්දන් වැඩිපුර සල්ලි ගැරීම වැළැක්වීම. 

13. හදිසි අවස්ථාවකදී බල්ලන්ට පහර දීම. 

14. රුපියල පිළිබඳ මෙවැනි මත විමසුම් පැවැත්වීම. 

15. ඕනෑම නෙට්වර්ක් එකකට SMS 3 ක් යැවීම. (රු: 0.07ක් ඉතිරි වේ.) 

16. යාචකයන්ට පරිත්‍යාග කිරීම. 

උමයන්ග මදුශාන්

තවත් දන්නවනම් කොමෙන්‍ටුවක් දාන්ටෝ 

කියවන්න»

මිතුරනි...

ෆේස්බුක් අඩවියේ චතුර විජය ශ්‍රී ගෙ වෝලයෙන් ලබාගත්ත කි. 

කියවන්න»

මිනිසා උසස් පහත් වන්නේ ඔහු විසින් කරනු ලබන ක්‍රියාවන් අනුවයි

බුදුරජාණන් වහන්සේ දේශනාවට අනුව මිනිසා උසස් පහත් වන්නේ ඔහු විසින් කරනු ලබන ක්‍රියාවන් අනුවයි. එනම් ඔහුගේ හැසිරීම් රටාව අනුවයි, ඒ බව වසල සූත්‍රයෙහි සඳහන්වන,

"න ජ්ච්චා වසලෝ හෝති

න ජච්චා හෝතී බ්‍රාහ්මණෝ

කම්මානා වසලෝ හෝති

කම්මනා වසලෝ හෝති

කම්මනා හෝති බ්‍රහ්මණෝ"

යන ගාථා ධර්මයෙන් තහවුරු වේ. කිසිම කෙනෙකු උපතින් ම බමුණෙකු හෝ වසලයෙකු නොවන බවත්, ක්‍රියාවෙන් ඒ තත්ත්වය තීරණය වන බවත් මෙහි දී දේශනා කොට ඇත.

මේ අනුව මිනිසා තම මනස පෙර‍ටු කොට ගෙන මනස තුළ ඇතිවන සිතිවිලි හෙවත් චේතනාවන් මුල්කරගෙන සිතින්, කයින්, වචනයෙන් සිතු කරන ක්‍රියාවන්, එසේත් නැත්නම් කර්මයන් මුල් කර ගෙන ඔහුගේ ජීවිතයේ හොඳ - නරක තත්ත්වය උදා වේ. සැබවින් ම මෙය මිනිසෙකු මනින වැදගත් ම නිනුම් දණ්ඩක් ලෙස දැක්විය හැකි ය.

මිනිස් සමාජය තුළ ජීවත්වන මිනිසා පස් පව්, දස අකුසලයන් සිදු කරන්නේ නම්, ඔහු තිදොරින් ම පිරිහීමට පත්වනු ඇත. එමෙන් ම  ඔහු  ඔහුට ද, සමාජයට ද විශාල පීඩාවක් ගෙන දෙන අයෙකු බවට පත් වේ.

එමෙන් ම තිදොර මුලකර ගෙන නිවැරදි, යහපත් ක්‍රියාවන්හි නිරත වන්නේ නම්, ඔහු උසස් අයෙකු ලෙස සමාජය පිළිගනී එවේනි පුද්ගලයන් ඇසුර ලැබීමට පවා සෙසු තැනත්තන් තුළ රුචි බවක් ඇති වේ.

බුදු දහමේ පෙන්වා දෙන පරිදි සියලු පව් නොකීරීමත්, කුසල් දහම් වැඩීමත්, තම සිත පාලනය කිරීම්ත්   යන දේශනාවන් ඔස්සේ ක්‍රියාත්මක වේ නම් එබඳු තැනත්තා සමාජ ගෞරවයට පාත්‍රවනු නොඅනුමානය ය. එබැවින් මිනිසුන් ලෙස තම ක්‍රියාවන් නිවැරදිකර ගැනීමාට උත්සහ ගැනීම හා එලෙස ක්‍රියා කිරීම බෙහෙවින් ම කාලෝචිත ය. -->

කියවන්න»

කඳුළු වැ‍ටුණාට අනේ අකුරු බොඳ වී නෑ

මහ විදුහලක ගුරු උපහාර උළෙල අති උත්කර්ෂවත් අන්දමින් පැවැතුණා. දහසක පමණ දරු පිරිසක් තම ගුරු පියවරුන්ගේ ගුරු මෑණිවරුන්ගේ දෙපා නමදින්න බුලත් හුරලු අතැතිව හැඟීම්බර මුහුණින් පෙළ ගැසී සිටියා. මේ අවස්ථාවේ අපූරු සංවේදී සිදුවීමක් මෙසේ සිදුවුණා. මෙලොව ඇස් පෙනීමේ කන් ඇසීමේ කතා කිරීමේ වාසනාව හිමි දරුවන් අතරින් කතා කළ නොහැකි දැරියක් මල් කළඹක් සමඟ මතක සටහනක් දෝතින් ගෙන විදුහල්පති ගුරු පියා අභියසට පැමිණියා. මල් කළඹ සමඟ සමරු සටහන විදුහල්පතිතුමාට පිළිගන්වා දෙපා වැන්දා. චිත්‍රයක් සහිත එම නිර්මාණය ඇගේම අත් අකුරින් මෙසේ සටහන් කර තිබුණි.

'ලෝකයේ විස්මිත දෑ නො ඇසෙන 

 පැවසීමට ඇති දහසකුත් අදහස් 

හඬගා ප්‍රකාශ කිරීමට අපහසු මා හට....

අනාගත ලෝකයේ ගුණගරුක දියණියක වීමට 

ශක්තිය ධෛර්යය ලබාදෙන 

ආදරණීය ගුරු පියාණනි

ඔබටයි මේ...

වන්දනීය උපහාරය' 

මේ නිසඳැස් පදවැල් මත විදුහල්පතිතුමාගේ නෙත්වලින් කඳුළු කැට වැ‍ටුණත් අකුරු බොඳවී ගියේ නෑ.

පී.වීරසිංහ
උපුටා ගැනීම ඉරිදා ලංකාදීප

කියවන්න»

ඔබටයි මේ ආරාධනා

ඔබටයි මේ ආරාධනා 

ඔබටයි මේ ආයාචනා 

හිරු සඳු ඇති තුරා 

සසර සරනා තුරා 

ඉන්නට බෑ තරහා වෙලා 

පැව සෙනේ අමනාපෙ නිසා

මෝදු වෙලා තිබුනාට වඩා //

සිත සැනසුම් සාදනා 

ඔබේ හසරැල් මට වාසනා..

තරහ උනත් දෙදෙනා ඊයේ 

තරහ නොවෙමු කිසිදා ආයේ //

යලි නොම ඒ වේදනා 

ඔබේ හසරැල් මට වාසනා 

~ රෝහණ බෝගොඩ ~

කියවන්න»

දුක කියන්න මොකක් ද?

කියවන්න»

ජීවිතයට....

කියවන්න»

ජීවිතයට...

කියවන්න»

උසස් කලා නිර්මාණ

සෑම උසස් කලා නිර්මාණයකින් ම

ආනන්දය මුසු වූ පහන් සංවේගයක් ඇති වේ.

යථාර්ථ සම්ප්‍රදායෙහි පිහිටා නිම වූ කලා කෘතියකින්

එසේ ආනන්දය මුසු වූ පහන් හැඟීමක් හට ගන්නේ

ලෝකය මීට වඩා යහපත් කොට වෙනස් කිරීමට

අවශ්‍ය වන්නාවූ ශක්තිය මිනිසා තුළ ම ඇතැයි යන 

ප්‍රඥාවක් ද, එකී කෘතිය මගින් සම්පාදනයට

පත් බීම නිසාය.

-බර්ටෝල්ට් බ්‍රෙෂ්ටි-

කියවන්න»

මට හීනයක්‌ වෙලා

මට හීනයක්‌ වෙලා ඔබේ ඔය ආදරේ

හිත තාම දන්නෙ නෑ මා ඇයි ද පෙම් කළේ

සඳ රාජිනි නුඹයි මගේ හද මන්දිරේ

සදා වෙනස්‌ නොවේ මගේ ආදරේ...//

රෑ දොළොස්‌ පැයේ ඔබේ නෙතු මා ළඟයි ප්‍රියේ

චංචලයි වගේ ඔබේ හිත කොහිද පාවුණේ...//

අදහන්න බෑ... කඳුළක්‌ ද ආදරේ

නුඹ දන්නෙ නෑ... සුන්දරයි ජීවිතේ

තාරුකා වියන් ගොතාලා මගේ අම්බරේ

ඇයි ද හැංඟුනේ පෙලා මා අන්ධකාරයේ...//

අදහන්න බෑ කඳුළක්‌ ද ආදරේ

නුඹ දන්නෙ නෑ සුන්දරයි ජීවිතේ

-දමිත් අසංක-

කියවන්න»

ඇහෙනවා නම් හිත හඬන තරම්

ඇහෙනවා නම් හිත හඬන තරම් 

කිසිවෙකු නෑ ලොව හිනැහෙන්නේ //

පෙර දින රජ මැදුරක උන්නේ 

අද මා මහ මග සැතපෙන්නේ 

පතන පැතුම් සුළඟට මුසුවේ 

මියුරු වදන් කඳුලේ ගොළුවේ //

සතුට උපන් හැම දින වැලලේ 

කුමන නැටුම් දෝ දිවි මඩලේ 

අපගේ අහිංසක ලොව බිඳිලා 

ඔබද අනන්තෙක ඇත රැඳිලා //

ගිනි දළු මා ගත වෙලෙනු දැනේ 

ඔබ මල් යහනක හිඳිනු මැනේ

-එච් ආර් ජෝතිපාල-

කියවන්න»

රටා මවන මල් පෙති

'රටා මවන මල් පෙති පැහැයෙන් 

හිනා මවන්නට බෑ මට නම්......'

පිණිදිය විසිරෙන හෝරාවේ

නුඹ ඇවිදින්

නුඹ ඇවිදින් මා ළඟ උන්නා

මං නොදන්න නෙක පාට අරන්

ඇස්‌ අග දැවටුන නුඹෙ පෙම් සිතිවිලි

මට දකින්න බැරි නුඹෙ පෙම් සිතිවිලි

සුසුමක දැවටී ළඟ රැඳුනා

මට දැනුණා උණුහුම දැනුණා

රටා මවන මල් පෙති පැහැයෙන්

හිනා මවන්නට බෑ මට නම්

අඳුරු මගේ ලොව අඳුරෙන් මුදවා

අතැඟිලි පහසක තෙත දැනුණා

ගායනය :- දිනේෂ් එරන්ද

ගී පද :- සෝමලතා හේරත් මැණිකේ

සංගීතය :- රුවන් ශ්‍රී වල්පොල

හරිම අහිංසක ආදරයක්‌... ඔහු ඇය දකින්නේ දෙනෙත්වලින් නොවේ... හදවතින්. ඔහුගේ හදවතට... ඇගේ හදවතේ සුන්දර බව.... අවංක බව දැනෙනවා... ඇයට ඔහුව පෙනෙනවා... ඔහුගේ ලස්‌සන හදවතත් දකිනවා... ඒ නිසා... ඔහුගේ දෙනෙත්... ඇගේ ආදරේට බාධාවක්‌ නොවේ... අවංක ආදරය.... අවසානයේ ජයගත්තා...

පිණිදිය විසිරෙන හෝරාවේ
නුඹ ඇවිදින් - නුඹ ඇවිදින්
මා ළඟ උන්නා
මං නොදන්න නෙක පාට අරන්...

ඇය ඔහු හමුවට ආවේ උදේ පාන්දර... පින්න වැටෙන වෙලාවේ... ඈ ආ බව ඔහුට දැනෙනවා... දෙනෙතට ඇගේ රුව නොපෙනුණත් ඈ ඇවිත්... මල්වල පාට... ඔහු හඳුනන්නේ නැහැ. ඒත්... ඇය ඔහු ළඟ ඉන්නවා. ඒ ලස්‌සනම ලස්‌සන මල් පොකුරක්‌ අරගෙන.

මේ සිංදුව ගයන්නේ ඇත්තටම දෙනෙත් නොපෙනෙන තරුණයෙක්‌. මේ වන විටත් ගීත කීපයක්‌ම ගයා ඇති ඔහු දිනේෂ් එරන්ද... දිනේෂ්ට මේ සිංදුව ලියලා දුන්නේ සෝමලතා හේරත් මැණිකේ... මහනුවර රෝහලේ විශේෂ අක්‍ෂි තාක්‍ෂණවේදිනියක්‌... මේඛලා ගමගේට "අහන් ඉන්න... අහගෙන ඉන්න..." සිංදුව ලියල දුන්නෙත් හේරත් මැණිකේ.

රත්මලාන අන්ධ විද්‍යාලයේ මා එක්‌කම ඉගෙන ගත්ත යාළුවෙකුගෙ අත්දැකීමක්‌. ඒ අත්දැකීම දවසක්‌ මට කිව්වා... මම ඒ කතාව සෝමලතා මහත්මියට කියලා සින්දුවක්‌ ලියාගත්තා. මගේ යාළුවට ඇස්‌ පෙනෙන තරුණියක්‌ ආදරය කළා. ඒ ආදරයට යාළුවාගේ දෙනෙත් බාධාවක්‌ වුණේ නෑ. ඔවුන් ආදරයෙන් ජය ලැබුවා. දැන් විවාහ වෙලා හොඳ පවුල් ජීවිතයක්‌ ගෙවනවා. දිනේෂ් එරන්ද ගීයේ වස්‌තු බීජය පැහැදිලි කළා.

ඇස්‌ අග දැeවටුන නුඹෙ පෙම් සිතිවිලි
මට දකින්න බැරි නුඹ පෙම් සිතිවිලි
සුසුමක දැවටී ළඟ රැඳුනා
මට දැනුණා උණුහුම දැනුණා

ඇගේ දෙනෙත්වලින් ආදරය වෑහෙනවා. ඒත් ඒ ඇස්‌ දෙකෙන් කියන ආදරය.. ඔහුගේ ඇස්‌ දෙකට පෙනෙන්නේ නෑ. ඒත් ඒ ආදර සිතිවිලි ඔහුට දැනෙනවා. ඇගේ ආදරණීය සුසුම් සමග මුහුවෙලා... ඒ ආදර සිතිවිලි ඔහුගේ ගත දැවටෙනවා. ඈ ඔහුට ළං වෙලා. ඇගේ සුසුමේ උණුසුම... ඔහුට දැනෙනවා... ඒ ආදරයේ උණුහුමයි.

මගේ ගම පානදුර පිංවත්තේ... මම මීට කලින් "මිතුරියේ..." නෙත්පුරා, "කිමදොa ළඳුනේ" කියන සිංදු තුන ගායනා කළා. ඒ සිංදු තුනත් කුඩා කාලයේදීම මියගිය පුංචි නංගී වෙනුවෙනුත් ගීයකුත් මා විසින්මයි රචනා කළේ. පොඩි කාලේ මගේ ඇස්‌වල පෙනීම තිබුණා. පානදුර රාජකීය විද්‍යාලයේ ඉගෙන ගත්තේ... සාමාන්‍ය පෙළ කරද්දී ඇස්‌ දෙකේ පෙනීම අඩු වුණා. අකුරු ලියන්න බෑ. පොත් පිටුවල රූල් පෙනෙන්නේ නැතුව ගියා. දොස්‌තරලා කිව්වා ග්ලුකොමා තත්ත්වයට ආවා කියලා. අවුරුදු විසිතුනේදී පෙනීම නැතිවෙලාම ගියා. රත්මලාන අන්ධ විද්‍යාලයෙන් බ්‍රේල් ක්‍රමයට සාමාන්‍ය පෙළ කළා. පෙරදිග/බටහිර සංගීතයත් හැදැරුවා.

රටා මවන මල් පෙති පැහැයෙන් හිනා මවන්නට බෑ මට නම්
අඳුරු මගේ ලොව අඳුරෙන් මුදවා
අතැඟිලි පහසක තෙත දැනුණා.

පාට පාට... රටා මවන මල් පිපෙනවා... දකින්න ඔහුට වාසනාවක්‌ නෑ. ඒත්... ඇයට මේ හැම දෙයක්‌ම පෙනෙනවා. ඒ පෙනෙන හැම දෙයක්‌ම ඈ ඔහුගේ ලෝකයට ගෙනෙනවා. ඔහු අඳුරෙන් මුදා ගන්න ඇය පහනක්‌ වෙලා. ඇගේ අතැඟිලිවලින් ඔහුට දැනෙන්නේ කියාගන්න බැරි තරමට ඈ තුළ ඇති ආදරයයි.

මම දැන් පරිගණක පාඨමාලාවක්‌ හදාරනවා. ඒ අතරෙම දුරකථන ක්‍රියාකරවන්නකු ලෙස පාඨමාලාවක්‌ හැදැරුවා. රැකියාවල් හොයනවා.

මගේ මේ සිංදුවේ විෂුවල් වල අමුත්තක්‌ තියෙනවා. ඒවායේ තියෙන්නේ චිත්‍ර... මේ චිත්‍ර ඇන්දේ මහනුවර රෝහලේ විශේෂඥ අක්‍ෂි තාක්‍ෂණවේදිනියක වන ලලනි සේනාධීර මහත්මියයි. රුවන් ශ්‍රී වල්පොල සොහොයුරා තනු නිර්මාණය කළා. මේ හැම කෙනෙක්‌ම ගීයට දායක වුණේ මගෙන් සත පහක්‌වත් අය නොකර... මම තවම යෑපෙන්නේ අම්මාගෙන් සහ තාත්තාගෙන්. රැකියාවක්‌ ඉක්‌මනින් ලැබුණොත් සතුටක්.

-අජිත් අලහකෝන්

(උපුටා ගැනීම දිවයින පුවත්පතින්)

කියවන්න»

එපා යලි හමුවන්න

එපා යලි හමුවන්න ජීවිතේ ගමන් මඟ 

ඔබෙන් මට උරුම වූ වේදනා කඳුළු ගඟ 

හිරු සිනාසෙන ලොවක පැතුම් මල් දෙවැට ළඟ 

ඔබේ ජීවන සුවඳ අරං ඈතට යන්න

සංසාර ගමන් මග සෙනෙහස සොයා දිනෙක 

ආ ගමන නිමා කල ඔබේ හදවත ගාව 

සෙනෙහසේ අවසාන කඳුළු බිඳුවක පහස 

ගලා යයි අතීතේ මිය ඇදුනු සොහොන ළඟ

ඔබ මවෙත තිලින කල ඔබේ බැතිබර සුවඳ 

මගේ මතකය වසා සදාකල් රැඳෙනු ඇත 

සංසාරයේ යලිදු නවාතැන් සොයා යන 

මගේ මළගම දාට ඇවිත් යන්නට එන්න

~ සුනිල් එදිරිසිංහ ~

කියවන්න»

අහස් වියන

පිනි බිංදු බිංදු තුරු පත් මත

බිමට හලා එන සුලඟට

ඔබ දුන්නද සුවඳක්

මම සුළඟ නතර කර ගේ ළඟ

විමසම් රහසක්.....

සුලඟ කතා නැත

යනවා අහක බලාගෙන 

මට හිතාගන්න බෑ හේතුව

සුළඟ තරහ වුණ

ඔබ කවුළු පියන් වහ ගත්තද 

කුටියෙහි රහසින

සුළඟ සුවඳ නැත

පිපි මල් නැතිව ද කිසිතැන

ඔබෙ සුවඳ බිඳක් වත්

සුළගට මුහු වී නොමැතිද

ඇයි සුළඟ හඬන්නේ පිනි කැට 

තුරුලට අරගෙන

ශකුවි

කියවන්න»

කවුරුන්ද ඔබ මගේ

කවුරුන්ද ඔබ මගේ

කවුරුන්ද මා ඔබේ...//

දෙතොල් සලා මුදු සිනහ නගන්නෙම් 

දෙනෙත් පුරා පිරි කඳුළු සලන්නෙම් //

හදවත ගැහෙනා රිද්මය අතරේ 

සිතින් ගතින් එක්තැන් වී ඉන්නෙමු 

ප්‍රේමය ගොළු වී හඬා වැටීලා 

ඔබ හද මා හද රිදවන මොහොතේ //

ජීවිතයට හුරු පැරදුම හමුවේ 

නොදොඩා ගොළු වී බලා සිටින්නෙමු 

-සුනිල් එදිරිසිංහ-

කියවන්න»

පෙම් පත

කියවන්න»