සයිබර් අවකාශයේ සිහලුන්ගේ චින්තනයන්

කඳුළු වැ‍ටුණාට අනේ අකුරු බොඳ වී නෑ



මහ විදුහලක ගුරු උපහාර උළෙල අති උත්කර්ෂවත් අන්දමින් පැවැතුණා. දහසක පමණ දරු පිරිසක් තම ගුරු පියවරුන්ගේ ගුරු මෑණිවරුන්ගේ දෙපා නමදින්න බුලත් හුරලු අතැතිව හැඟීම්බර මුහුණින් පෙළ ගැසී සිටියා. මේ අවස්ථාවේ අපූරු සංවේදී සිදුවීමක් මෙසේ සිදුවුණා. මෙලොව ඇස් පෙනීමේ කන් ඇසීමේ කතා කිරීමේ වාසනාව හිමි දරුවන් අතරින් කතා කළ නොහැකි දැරියක් මල් කළඹක් සමඟ මතක සටහනක් දෝතින් ගෙන විදුහල්පති ගුරු පියා අභියසට පැමිණියා. මල් කළඹ සමඟ සමරු සටහන විදුහල්පතිතුමාට පිළිගන්වා දෙපා වැන්දා. චිත්‍රයක් සහිත එම නිර්මාණය ඇගේම අත් අකුරින් මෙසේ සටහන් කර තිබුණි.

'ලෝකයේ විස්මිත දෑ නො ඇසෙන 
 පැවසීමට ඇති දහසකුත් අදහස් 
හඬගා ප්‍රකාශ කිරීමට අපහසු මා හට....
අනාගත ලෝකයේ ගුණගරුක දියණියක වීමට 
ශක්තිය ධෛර්යය ලබාදෙන 
ආදරණීය ගුරු පියාණනි
ඔබටයි මේ...
වන්දනීය උපහාරය' 

මේ නිසඳැස් පදවැල් මත විදුහල්පතිතුමාගේ නෙත්වලින් කඳුළු කැට වැ‍ටුණත් අකුරු බොඳවී ගියේ නෑ.

පී.වීරසිංහ
උපුටා ගැනීම ඉරිදා ලංකාදීප
Share this article :

ඔබේ අදහස්