ගුරුවරයා මුදලාලිගේ කනෙනුත් රිංගලා
රැකියාවක නියුතු ඔහු විවාහකයෙකි. ඔහුගේ එක් විනෝදාංශයක් වූයේ කාන්තාවන්ට දුරකථනයෙන් ඇමැතීමයි. දිනක් ඔහු දුම්රිය මැදිරියක ලියා තිබූ දුරකථන අංකයකට ඇමැතීය. ‘‘කොහෙන්ද ඔයාට මේ නොම්මරේ”. කාන්තාවක් එහා කොනෙන් ඇසුවාය. ‘‘මේකෙන් ‘මිස් කෝල්’ එකක් තිබුණා. ඔහු පැවසීය. කෙසේ හෝ දෙදෙනා අතර සම්බන්ධතාවක් ගොඩ නැගිණි. ඇය දරුවන් දෙදෙනෙකුගේ මවක් බවත් සැමියා අතහැර ගොස් ඇති බවත් රැකියාවක් කරන බවත් ඔහු හෙළි කර ගත්තේය. දින කිහිපයකින් ඔහු හෝටලයකට ගොස් කතා කිරීමට ඇයව එකඟ කර ගත්තේය. ‘‘මේ දවස්වල මගේ අතේ සල්ලිත් නැහැ. ඔයාට පුළුවන්ද කාමර කුලිය රුපියල් දාහක් අරන් එන්න. මම පඩි අරන් ඔයාට ඒක දෙන්නම්.” ඇය කැමැති වූවාය. තම සුපුරුදු හෝටලයට ගොස් පැය කිහිපයක් එහි ගත කර ඇයගෙන් රුපියල් දාහක් ලබාගෙන එළියට වී සිටින ලෙස ඇයට පැවසුවේ හෝටලයේ සේවකයන් ඇය දකීවි යැයි පවසමිනි. ඔහු කාමර කුලිය වශයෙන් රුපියල් පන්සීයක් ගෙවා ඉතිරි මුදල තම සාක්කුවට දමා ගත්තේය. ටික වේලාවකින් කාන්තාව ඇමතුමක් දෙමින් ‘‘ඔයා කොහෙද? පරෙස්සමෙන් යන්න’’ යැයි කීවාය.
කත රවටා ගත් රු. 1000 න් 500 ක් සාක්කුවේ
රැකියාවක නියුතු ඔහු විවාහකයෙකි. ඔහුගේ එක් විනෝදාංශයක් වූයේ කාන්තාවන්ට දුරකථනයෙන් ඇමැතීමයි. දිනක් ඔහු දුම්රිය මැදිරියක ලියා තිබූ දුරකථන අංකයකට ඇමැතීය. ‘‘කොහෙන්ද ඔයාට මේ නොම්මරේ”. කාන්තාවක් එහා කොනෙන් ඇසුවාය. ‘‘මේකෙන් ‘මිස් කෝල්’ එකක් තිබුණා. ඔහු පැවසීය. කෙසේ හෝ දෙදෙනා අතර සම්බන්ධතාවක් ගොඩ නැගිණි. ඇය දරුවන් දෙදෙනෙකුගේ මවක් බවත් සැමියා අතහැර ගොස් ඇති බවත් රැකියාවක් කරන බවත් ඔහු හෙළි කර ගත්තේය. දින කිහිපයකින් ඔහු හෝටලයකට ගොස් කතා කිරීමට ඇයව එකඟ කර ගත්තේය. ‘‘මේ දවස්වල මගේ අතේ සල්ලිත් නැහැ. ඔයාට පුළුවන්ද කාමර කුලිය රුපියල් දාහක් අරන් එන්න. මම පඩි අරන් ඔයාට ඒක දෙන්නම්.” ඇය කැමැති වූවාය. තම සුපුරුදු හෝටලයට ගොස් පැය කිහිපයක් එහි ගත කර ඇයගෙන් රුපියල් දාහක් ලබාගෙන එළියට වී සිටින ලෙස ඇයට පැවසුවේ හෝටලයේ සේවකයන් ඇය දකීවි යැයි පවසමිනි. ඔහු කාමර කුලිය වශයෙන් රුපියල් පන්සීයක් ගෙවා ඉතිරි මුදල තම සාක්කුවට දමා ගත්තේය. ටික වේලාවකින් කාන්තාව ඇමතුමක් දෙමින් ‘‘ඔයා කොහෙද? පරෙස්සමෙන් යන්න’’ යැයි කීවාය.
‘මත්තල’ තියෙන්නේ දෙසැම්බර් 25 වැනිදා ගුරුවරියකගෙන් අපූරු උත්තරයක්
ටීචර් ”මත්තල” තියෙන්නේ කොහේදැයි සිසුවියක ගුරුවරියකගෙන් ඇසුවාය. දෙසැම්බර් 25 වැනිදා යැයි ඇය උත්තර දුන්නාය. මේ දෙබස් ඇසුණේ සියනෑවට යාබද ගම්මානයක උපකාරක පන්තියකදීය. ලබන වසරේ පහේ කඩඉමෙන් පන්නන්නට පැවැත්වෙන උපකාරක පන්තියකි. ප‍්‍රසිද්ධ පාසලක සේවයේ නිරත ගුරුවරියක මෙහි උගන්වන්නීය. ඇගේ සේවය ලබා ගන්නට එන්නේ ඇගේ පාසලේ දරුවන් පමණය. ඔවුන් එන්නේද කැමැත්තකින් නොවේ. ඇගෙන් මවුපියන්ට කෙරෙන බල කිරීමට තම දරුවන් එවන්නේ ගුරුවරිය අමනාප කරගන්නට බැරි නිසාය. රටතොට ගැන හොඳ දැනුම් තේරුම් ඇති දරුවෝද මේ පන්තියේ සිටිති. ගුරුවරිය පන්තියෙන් ඉවතට ගිය විටකදී දරුවෙක් තම දැනුම පෙන්වන්නට වූයේය. ලංකාවේ ගුවන් තොටුපළවල් මොනවාද ඔහු අනෙක් අයට කියා දුන්නේය. දිවයිනේ අලූත්ම ගුවන්තොටුපළ මත්තල ඉදිකෙරෙන බවද ඔහු සගයන්ට කීවේය. මත්තල ඇත්තේ කොහිදැයි ඔහු කියන්නට නොදැන සිටියේය. ඒ ගැන ටීචර්ගෙන් අහමු යැයි දැරියක් කීවාය. ඒ අනුව ඇයගේ ප‍්‍රශ්නයට ගුරුවරිය උත්තර දුන්නේ දෙසැම්බර් 25 වැනිදා කියාය. අනේ ටීචර් එදාට නත්තල්නේ. ගුවන් තොටුපළක් හදන මත්තල තියෙන තැන අපි දන්නේ නැහැ. දරුවන් ඇයට කියද්දී මන් දන්න මත්තලක් නැහැ. මේ ළමයින්ටත් ඕන නැති දෙයක් නැහැ පාඩම බලාගන්නවාලා කී ගුරුතුමිය වේවැල අතට ගත්තාය. දරුවන් එන තුරු එළියට වී සිටි මවුවරුන් දෙදෙනෙකුට මේ කතාව ඇසුණු නිසා දැන් කටින් කට යද්දී මේ ගුරුවරියට ”මත්තල ටීචර්” යැයි නමක් පටබැඳී අවසන්ය.බසයට රිංගු ගැරඬියාගෙන් ප‍්‍රවේශපත් මුදල් ඉල්ලලා
මඩකළපුවේදී ”ලංගම” බසයකට රිංගාගත් ගැරඬියකු කලවංචිකුඩියේදී බසය තුළ මහත් කලබැගෑනියක් සිදුකොට එයින් බැස යන්නට දැරූ උත්සාහයක් නිසා එම බසය විනාඩි විස්සක් පමණ පාර මැද නතර කර තැබූ සිද්ධියක් මඩකළපුව-කල්මුණ ප‍්‍රධාන මාර්ගයෙන් වාර්තා වේ. පෙරේදා 19 මඩකළපුව-කල්මුණ නගරාන්තර ලංගම බසයක් සවස 2.45ට පමණ කල්මුණ බලා ගමන් අරඹා තිබිණි. එය කලවංචිකුඩි ප‍්‍රදේශයේදී එක්වරම පාර මැද නතර කළ රියදුරා කෑගසා රියැදුරු අසුනෙන් ඉවත්ව පැන ගියේය. මගීහු අන්දුන්කුන්න් වෙමින් වටපිට බැලූ අතර කීපදෙනෙක් දෙමළ භාෂාවෙන් ”පාම්බු... පාම්බු” යැයි කෑගැසූහ. එහෙත් ”පාම්බු” ඇසුරු සැණකින් ඇන්ජිම කොටසට රිංගා අතුරුදන් විය. බොහෝ වේලාවක් කෝටුවලින් ඇන අහුමුළුවල බැලූ පසු ඌ එළියට දැමීමට හැකිවිය. එහෙත් බැස ගියේ ”පාම්බු” කෙනෙකු නොව ගැරඬියෙකි. ගැරඬියා තණ නිල්ලට පැන කැලෑවට ඇදෙනු දුටු මගියකු ” ඕයි... සල්ලි දීලා යනවා” යැයි කියා කෑගසද්දී මගීහු උස් හඬින් සිනාසුණහ.
උපුටා ගැනීම ලංකාදීප
ඔබේ අදහස්