සයිබර් අවකාශයේ සිහලුන්ගේ චින්තනයන්

ඇලහැර බකමුණ නිසල බුදුරුව


වස්ගොමුව ජාතික වනෝද්යානනයට මුහුණලා පිහිටි සැතපෙන ශෛලමය පිළිමය කාලගුනික බැටකෑමෙන් අභාවයට යමින් පවතී. මෙය ක්රිය. පූර්ව. 100-200 කාලයට අයත් බවට විශ්වාස කැරේ. මෙය පසෙකින් අඹන් ගඟ හා හීරටි ඔය ගලා බසී. මෙහි තවත් බෙහෙත් ඔරු වැනි බොහෝ නටඹුන් ඇත. ගල් ලෙනක් හා බෝධියක් පසෙකින් ඇත. විහාරාරාම සංකීර්ණය නමින් බුදුරුවයායයි.

දඹුල්ලේ සිට ශීරනවි ලංකා මහවැලි අධිකාරිය විසින් මෑතකදී ඉදිකරන ලද දඹුල්ල – බකමූණ - කලගහවෙල නව අධිවේග මාර්ගයේ යන විට මේ ස්ථානය හමුවේ. බකමූණේ සිට කිලෝ මීටර් 6 ක් පොල් අතු වාඩිය පැත්තට යන විට වම් පසින් මේ සුවිශේෂී පුරාණ සිද්ධස්ථානය වෙයි. දඹුල්ලේ සිට විනාඩි 30 කින් මේ ස්ථානයට ළඟා විය හැකිය.මෙහි පරරාණධානම අංගය එහි පිහිටි 18 රියන් සැතපෙන ශෛලමය බුදු පිළිමයයි. නමුත් එය අව පැහැ ගැන්වී කළු පැහැවී තිබෙන අයුරු දුටු විට අපේ බෞද්ධකම කුමකටදැයි සිතේ.

බුදුරුවයාය විහාරාධිපති පොල්වත්ත කන්දේ සද්ධානන්ද හිමිපාණන් පවසන පරිදි මේ බුදු පිළිමය ඓතිහාසික පොළොන්නරුවේ ගල් විහාරයේ සැතපෙන බුදු පිළිමයට හා තන්තිරිමලේ සැතපෙන බුදු පිළිමයට සමානත්වයක් දක්වයි.

“පුරාණ බෞද්ධ ගර ැතන්ථවලත් මේ බුදු පිළිමය පිළිබඳව සඳහන් වෙලා තිබෙනවා. මේ පිළිමය අතරගල්ලෑව පිළිමය යන නමින් තමයි ඒ පොත්වල සඳහන් වන්නේ. මෙතන අක්කර 35 ක පරති දේශයක පුරා වස්තු තිබෙනවා. ශීරිමය පතුලක් තිබෙනවා. සෙල් ලිපියක් තිබෙනවා. ගල් කණු තිබෙනවා. කැලේ රජ මාලිගා 2 ක් තිබෙනවා. ගල්ලෙන් තුනක් තිබෙනවා. මෙහි කුමාර කන්දේ ස්ථාන 25 ක විතර පුරා විද්යාබත්මක නටබුන් තියෙනවා. ඒත් මේ ස්ථාන සියල්ල හරියට සංරක්ෂණය කරන්න මට තනියෙන් පුළුවන් කමක් නැහැ. කවුරු හරි උදව් කළ යුතුයි. දැන් දඹුල්ලේ ඉඳලා අලුත් බකමූණ පාරෙන් මෙතෙන්ට එන්න මිනිත්තු 30 කට වඩා යන්නේ නැහැ. මම මේ රටේ සැදැහැවත් බෞද්ධ ජනතාවට ආරාධනා කරනවා මේ ස්ථානයට ඇවිත් වටිනාකම තේරුම් ගන්නය කියලා.”" උන්වහන්සේ පවසති.

18 රියන් මේ බුදුරුව යාය බුදු පිළිමය දුටු විට අපේ නෙතඟට ඉබේම කඳුළු බිඳු එයි. ඒ එම බුදු පිළිමයට විශේෂයෙන් එහි මුහුණට, ශීර්ෂයට හා අතට යම් පුද්ගලයන් පිරිසක් කර ඇති හානිය දුටු විටය. ඒ සමඟම බුදු පිළිමයේ සිරිපතුල අසලද නිදන් හාරා තිබිණි. දුර්වර්ණ වුවත් විවිධ හානි කළත් මේ බුදු පිළිමය ඇතුළත සර්වඥ ධාතු නිදන් කර ඇති බව ජනපරසලදවාදයේ පවතීයැයි සද්ධානන්ද හිමියෝ අප සමඟ කීහ. බුදුරුවයාය ගම්වැසියෝ මේ සුවිශේෂ බුදු පිළිමයට නිතර පුද පූජා පවත්වති. සද්ධානන්ද හිමියෝ තමන්ට දායකයන් ගෙන් ලැබෙන ආධාර මගින් දිනපතාම පස්වරුවේ මේ බුදුපිළිමය අසල එක පොල්තෙල් පහනක් හෝ දල්වනු ලැබේ.

මෙම විහාර සංකීරණයේ වූ පුරාණ චෛත්යුය පස් ගොඩක් බවට පත්ව තිබුනු අතර 'ධර්ම සරණ පදනමේ' මැදිහත් වීම මත එය නැවත පිළිසකර කර තිබේ.

අඹන් ගඟ ආශ්රිවතව පිහිටා ඇති සුවිශේෂීම සිද්ධස්ථානයක් ලෙස බුදුරුවයාය හඳුන්වා දිය හැක. බුදුරුවයාය එක් අන්තයකින් වස්ගමුව ජාතික වනෝද්යාවනයට මායිම්ව ඇති අතර අඹන් ගං කොමලියගේ අතු ගංගාවක් වූ හීරටිය ඔය කඩිමුඩියේ ගලාබසින සුන්දර නාදය දෙසවන් පිනවයි. වස්ගමුව වනාන්තරය බුදුරුවයායෙන් වෙන් කරමින් තනා ඇති අලි වැට හේතුවෙන් හීරටිය ඔය නැරඹීමේ වාසනාව නම් අපට හිමි නොවේ. අඹන් ගඟේ හඬත්, අලි, කොටි, වලස්සු ගහන වස්ගමුවේ අසිරියත් බුදුරුවයායේ සුන්දරත්වය වඩ වඩාත් ඔප් නංවයි. දඹුල්ල, රිවස්ටන් ප්රතදේශ නැරඹීමට එන සංචාරකයන්ටත්, පොළොන්නරුවට විකල්ප මාර්ගයකින් ලඟා වීමට කැමැති සංචාරකයන්ටත් මෙය ආකර්ෂණීය මග නැවතුමක් වනු නිසැකය.



Share this article :

+ comments + 4 comments

January 31, 2013 at 4:32 AM

හැමදාම කියනවා වගේ අදත් කියන්නේ හරි වටිනවා කියලයි.

Anonymous
January 31, 2013 at 7:48 AM

ඔබේ මේ ලිපි ඉතාම වටිනවා යාළුවා. ඔබට පොඩි අදහසක් දෙන්නද..? මේ වම් පැත්තේ තියන ලයික් සහ ෂෙයරින් බට්න් ටික වෙන පැත්තකට දාල යටින් එන you might also like කියන එක පොඩ්ඩක් වෙනස් කළා නම් කියවන්න වගේම කමෙන්ට් එකක් දාන්නත් පහසුයි. ඒ දෙකට පෝස්ට් එකේ වැඩි කොටසක් වැහෙනවා. ඒ ඉතින් මට හිතුනු දෙයක්. මේක කිව්වට අවුලක් නෑ කියල හිතනවා. ජය..!

January 31, 2013 at 9:14 PM

වටිනා තොරතුරක්...වග කිව යුත්තනගේ ඇස ගැටේවා යි පතමි.

February 13, 2013 at 10:03 PM

@Chandana ස්තුතියි අයියා මේ පැත්තේ ආවට :D ඔන්න මම අයින් කළා!

ඔබේ අදහස්